வேகம் எடுக்கும் விஜய்யின் 'ஜனநாயகன்' படக்குழு! இம்மாதம் முதல் பாடல் வெளியாகிறது!

எச்.வினோத் இயக்கத்தில் விஜய் நடித்திருக்கும் 'ஜனநாயகன்' படம் பொங்கல் பண்டிகையை முன்னிட்டு திரைக்கு வருகிறது. இப்படத்தின் முதல் பாடலை தீபாவளிக்கு வெளியிட திட்டமிட்டு இருந்தார்கள். ஆனால் கரூர் சம்பவம் காரணமாக அப்போது வெளியிடவில்லை.

இந்நிலையில் இந்த நவம்பர் மாதம் இரண்டாவது வாரத்தில் ஜனநாயகன் படத்தின் முதல் பாடல் வெளியாக இருப்பதாக அப்பட வட்டாரங்களில் கூறுகிறார்கள். மேலும், இப்படத்தில் இடம்பெற்று இருந்த அரசியல் ரீதியான சில டயலாக்குகளில் தற்போது சில திருத்தங்களை செய்யுமாறு கூறியிருக்கிறாராம் விஜய். அதன் காரணமாகவே டப்பிங் பணிகளுக்கு முன்பு அந்த டயலாக்குகளில் மாற்றம் செய்யப் போகிறார் இயக்குனர் வினோத்.

மேலும், இப்படத்தின் இசை வெளியீடு டிசம்பர் மாதம் நடைபெறும் நிலையில் டிரைலரை ஜனவரி முதல் நாளில் வருடப்பிறப்பு அன்று வெளியிடவும் திட்டமிட்டுள்ளார்கள். இப்படம் திரைக்கு வருவதற்கு இன்னும் இரண்டு மாதங்கள் இருப்பதால் ஜனநாயகன் குறித்த புதிய அப்டேட்டுகள் அடுத்தடுத்து வெளியாகும் என்பது தெரிய வந்துள்ளது.