சாய் அபயங்கரை வாழ்த்திய அல்லு அர்ஜுன்!

'பல்டி, டியூட்' படங்களை தொடர்ந்து 'கருப்பு, பென்ஸ், மார்சல்' போன்ற படங்களுக்கு இசையமைத்து வருகிறார் சாய் அபயங்கர். அதையடுத்து அல்லு அர்ஜுன் நடிப்பில் அட்லி இயக்கும் படத்திற்கும் அவர் இசையமைப்பதாக செய்திகள் வெளியானபோதும் அதை படக்குழு இதுவரை உறுதிப்படுத்தவில்லை.

இந்நிலையில், இன்று சாய் அபயங்கரின் பிறந்த நாள் என்பதால் அல்லு அர்ஜுன் தனது இணையப்பக்கத்தில் அவருக்கு வாழ்த்து தெரிவித்திருக்கிறார். அதில், 'என் சகோதரர் எஸ்ஏகேவுக்கு இது மகிழ்ச்சியான நாள். வரும் ஆண்டுகளில் உங்களுக்கு வெற்றி மற்றும் பெருமை கிடைக்க வாழ்த்துகிறேன்' என்று பதிவிட்டு இருக்கிறார் அல்லு அர்ஜுன்.

இதன்மூலம் அவரது 22வது படத்துக்கு சாய் அபயங்கர் இசை அமைப்பது உறுதியாகி இருக்கிறது. இப்படத்தில் அல்லு அர்ஜுனுக்கு ஜோடியாக தீபிகா படுகோனே நடித்து வந்த நிலையில் தற்போது மிருணாள் தாக்கூரும் இணைந்திருக்கிறார்.