கடந்த வாரம் ரிலீசான படங்களின் வரவேற்பு எப்படி?

நடிகை கவுரி கிஷன் விவகாரம் தான் கடந்த சில நாட்களாக கோலிவுட்டில் ஹாட் டாபிக். அவர் உடல் எடை குறித்து யூடியுப்பர் ஒருவர் தவறான கேள்வி கேட்க அதற்கு கவுரி பதிலடி கொடுக்க அந்த விவகாரம் வைரல் ஆனது. யூடியூப்பர் வருத்தம் தெரிவித்தாலும் கவுரி அதை ஏற்கவில்லை. கவுரிக்கு ஆதரவாக பல்வேறு தரப்பினர் குரல் கொடுத்தனர்.

கவுரி நடித்த 'அதர்ஸ்' படம் கடந்த வாரம் வெளியான நிலையில் வரவேற்பை பெறவில்லை. இன்னும் சொல்லப் போனால் தோல்வி அடைந்துள்ளது. படம் குறித்தும் அந்த படத்தில் சொல்லப்பட்ட திருநங்கைகள் திருநம்பிகள் ஆதரவான கரு குறித்தும் யாரும் பேசவில்லை. படத்தின் ஹீரோ ஆதித்யா மாதவன் குடும்பத்தினரே படத்தை தயாரித்து இருப்பதாக தகவல். அவர்களுக்கு அதர்ஸ் படம் சில கோடி இழப்பை ஏற்படுத்தி உள்ளது.

கடந்த வாரம் வந்த படங்களில் கிஷன் தாஸ் நடித்த 'ஆரோமலே' படத்துக்கு மட்டும் ஏ சென்டர்களில் ஓரளவு வரவேற்பு கிடைத்துள்ளது. ஆனாலும் படம் பெரிய அளவில் வெற்றி பெறவில்லை கடந்த வாரம் வெளியான மற்ற சின்ன சின்ன படங்கள் படுதோல்வி அடைந்துள்ளன.