பிளாஷ்பேக்: பாலச்சந்திரமேனன் இயக்கிய தமிழ் படம்

மலையாள சினிமாவின் கே.பாக்யராஜ் என்று அழைக்கப்படுகிறவர் பாலச்சந்திர மேனன். 1980-90 காலகட்டங்களில் 40க்கும் மேற்பட்ட படங்களை இயக்கியுள்ளார். நூற்றுக்கும் மேற்பட்ட படங்களில் நடிகராக நடித்துள்ளார். 1998ம் ஆண்டு 'சமந்தரங்கள்' என்ற படத்தில் நடித்ததற்காக சிறந்த நடிகருக்கான தேசிய விருதை பெற்றார்.

அவர் இயக்கிய ஒரே தமிழ் படம் 'தாய்க்கு ஒரு தலாட்டு'. இதில் சிவாஜி, பத்மினி, விசு, பாண்டியராஜன், ராஜலட்சுமி, ரோகினி உள்ளிட்ட பலர் நடித்தனர். இது பாலச்சந்தி மேனன் மலையாளத்தில் இயக்கிய 'ஒரு பைங்கிளிகதா' என்ற படத்தின் ரீமேக்.
கே.ஆர்.கங்காதரன் தயாரித்திருந்தார். இளையராஜா இசை அமைத்திருந்தார், ஜெயனன் வின்செண்ட் ஒளிப்பதிவு செய்திருந்தார். மலையாளத்தில் பெற்ற வரவேற்பை இந்த படம் தமிழில் பெறவில்லை. அதன் பிறகு பாலச்சந்திர மேனன் தமிழில் படம் இயக்கவும் இல்லை.