ஒரு வாரம் தள்ளிப்போகும் ‛வா வாத்தியார்'

சூது கவ்வும், காதலும் கடந்து போகும் போன்ற படங்களை இயக்கியவர் நலன் குமாரசாமி. இவரது இயக்கத்தில் கார்த்தி நடித்துள்ள படம் 'வா வாத்தியார்'. நாயகியாக கிர்த்தி ஷெட்டியும், முக்கிய வேடத்தில் ராஜ்கிரணும் நடித்துள்ளனர். நீண்டகாலமாக நடைபெற்று வந்த இதன் படப்பிடிப்பு சமீபத்தில் நிறைவடைந்து மற்ற பணிகள் துவங்கின. வருகிற டிசம்பர் 5ம் தேதியன்று படம் திரைக்கு வருகிறது என ஏற்கனவே அறிவித்திருந்தனர்.

இந்நிலையில் சமீபத்தில் தான் இந்த படத்தின் ஒருசில காட்சிகளுக்கான படப்பிடிப்பை தனியாக எடுத்து முடித்துள்ளனர். இதனால் போஸ்ட் புரொடக்ஷன் நிறைவு பெற காலதாமதம் ஆகும் என்கிறார்கள். இதனால் படத்தின் ரிலீஸ் தேதியை டிசம்பர் 5ம் தேதிக்கு பதில் 12ம் தேதியன்று திரைக்கு கொண்டு வர முடிவு செய்துள்ளதாக தகவல்கள் தெரிவிக்கின்றன.