ஓடிடி தளத்திலும் வெளியாகும் 'பாகுபலி தி எபிக்'

ராஜமவுலி இயக்கத்தில், கீரவாணி இசையமைப்பில், பிரபாஸ், அனுஷ்கா, தமன்னா, சத்யராஜ், நாசர், ரம்யாகிருஷ்ணன், ரோகிணி மற்றும் பலர் நடிப்பில் 2015ல் வெளிவந்த 'பாகுபலி 1', 2017ல் வெளிவந்த 'பாகுபலி 2' ஆகிய இரண்டு படங்களையும் இணைத்து சில காட்சிகளை நீக்கி ஒரே படமாக 'பாகுபலி தி எபிக்' என்ற பெயரில் கடந்த மாதம் அக்டோபர் 31ம் தேதி தியேட்டர்களில் வெளியிட்டார்கள். இப்படம் மொத்தமாக 50 கோடிக்கும் அதிகமான வசூலைக் கடந்தது.

100 கோடி வசூலாகும் என்று எதிர்பார்க்கப்பட்ட நிலையில் 50 கோடியுடன் படத்தின் வசூல் நிறைவடைந்தது. இருந்தாலும் இரண்டு படங்களையும் சேர்த்து மறு வெளியீடாக வந்த படம் இவ்வளவு கோடி வசூலித்ததே சாதனைதான்.

இப்போது 'பாகுபலி தி எபிக்' படத்தை ஓடிடி தளத்திலும் வெளியிட உள்ளார்களாம். அதற்கான அறிவிப்பு விரைவில் வெளியாக உள்ளது. 'பாகுபலி 1, 2' ஆகியவை ஏற்கெனவே ஓடிடி தளங்களில் உள்ள நிலையில் அவற்றை இணைத்த படமான 'தி எபிக்' படத்தையும் தனியாக ஓடிடி வெளியிடுகிறார்கள் என்பது ஆச்சரியம்தான்.