விஜய் பட இயக்குனர் உடன் இணையும் சல்மான்

தெலுங்கு திரையுலக தயாரிப்பாளர் தில் ராஜூ தயாரிப்பில் வாரிசு, மகரிஷி போன்ற படங்களை இயக்கியவர் வம்சி. இவரது இயக்கத்தில் ஹிந்தி நடிகர் அமீர்கான் ஒரு படத்தில் நடிக்க இருந்தார். ஆனால் ஒரு சில காரணங்களால் இப்படம் கைவிடப்பட்டதாக ஏற்கனவே தகவல் வெளியானது. இதையடுத்து அமீர் கானுக்கு கூறிய அதே கதையில் தெலுங்கு நடிகர் மற்றும் துணை முதல்வர் பவன் கல்யாண் நடிக்கவுள்ளார் என கூறப்பட்டது. இந்த நிலையில் திடீர் திருப்பமாக அதே கதையில் வம்சி இயக்க, பாலிவுட் நடிகர் சல்மான் கான் நடிக்கவுள்ளாராம். இந்த படத்தை தில் ராஜூ ஹிந்தி மற்றும் தெலுங்கு என இரு மொழிகளில் தயாரிக்கின்றார் என தெலுங்கு சினிமா வட்டாரத்தில் தெரிவிக்கின்றனர்.