தெலுங்கில் டப் செய்யப்படும் ரன்வீர் சிங்கின் 'துரந்தர்'

ஹிந்தியில் ஆதித்ய தார் இயக்கத்தில் தன்வீர் சிங் நாயகனாக நடித்து கடந்த டிசம்பர் 5ம் தேதி திரைக்கு வந்த படம் துரந்தர். இப்படத்தில் அவருடன் அக்ஷய் கண்ணா, மாதவன், அர்ஜுன் ராம்பால், சஞ்சய் தத், சாரா அர்ஜுன் உள்ளிட்ட பலர் முக்கிய வேடங்களில் நடித்துள்ளார்கள். இப்படம் திரைக்கு வந்ததிலிருந்து ரசிகர்கள் மத்தியில் அமோகமான வரவேற்பு பெற்று வருகிறது.
திரைக்கு வந்த ஒன்பது நாட்களில் இதுவரை 454.72 கோடி வசூலித்திருப்பதாக படக்குழு அறிவித்துள்ளது. குறிப்பாக இந்த படம் இரண்டாவது சனிக்கிழமை அன்று அதிகபட்சமாக 55 கோடி ரூபாய் வசூலித்திருக்கிறது. இந்த நிலையில் இந்த துரந்தர் படத்தை தெலுங்கில் வெளியிடுமாறு தொடர்ந்து சோசியல் மீடியாவில் ரசிகர்கள் கோரிக்கை வைத்து வந்தார்கள். அதனால் தற்போது தெலுங்கு டப்பிங் பணிகள் நடைபெற்று வரும் நிலையில் வருகிற டிசம்பர் 19ம் தேதி இப்படத்தின் தெலுங்கு பதிப்பு வெளியாக இருப்பதாக கூறப்படுகிறது.