பிளாஷ்பேக் : ஜெமினி கணேசனுக்கு வில்லனாக நடித்த சிவாஜி கணேசன்
ADDED : 6 minutes ago
நடிகர் திலகம் சிவாஜி கணேசன் ஆரம்ப காலகட்டங்களில் ஏராளமான படங்களில் வில்லனாக நடித்திருக்கிறார். அதில் முக்கியமான படம் 'பெண்ணின் பெருமை'. காரணம், இந்த படத்தில் அவர் ஜெமினி கணேசனுக்கு வில்லனாக நடித்தார். இருவரும் இணைந்து நடித்த முதல் படமும் இதுதான். 1955ம் ஆண்டு வெளியான இந்தப் படத்தை பி.புல்லையா இயக்கினார். இது தெலுங்கு திரைப்படமான 'அர்த்தங்கி'யின் ரீமேக் ஆகும்.
இது மணிலால் பானர்ஜி எழுதிய புகழ்பெற்ற வங்காள நாவலான 'சுயம்சித்தா'வை தழுவி எடுக்கப்பட்டதாகும்.
பத்மா (சாவித்ரி) என்ற கிராமப்புறப் பெண்மணியின் கதை, அவள் மனநலம் பாதிக்கப்பட்ட ரகுவிற்கு (ஜெமினிகணேசன்) கட்டாய திருமணம் செய்து வைக்கப்படுகிறார். விருப்பமே இல்லாமல் ஜெமினி திருமணம் செய்து கொண்ட சாவித்திரி அவரை எப்படி மாற்றி நல்ல மனிதராக உருவாக்குகிறார் என்பது தான் படத்தின் கதை.
சாவித்திரிக்கு மனரீதியான பாதிப்பை ஏற்படுத்தும் மாமியார் கேரக்டரில், சாந்தகுமாரி நடித்திருந்தார், பாலியல் ரீதியாக சீண்டும் வில்லனாக ஜெமினி கணேசனின் தம்பியாக சிவாஜி நடித்திருந்தார்.