'டாக்சிக்' படத்தில் கங்காவாக நயன்தாரா!

மலையாள பெண் இயக்குனர் கீது மோகன்தாஸ் இயக்கத்தில் கே.ஜி.எப் பட புகழ் யஷ் 'டாக்சிக்' என்கிற படத்தில் நடித்து வருகிறார். இப்படத்தை கே.வி.என் நிறுவனம் தயாரிக்கின்றனர். நடிகைகள் நயன்தாரா,கியாரா அத்வானி, ஹூமா குரேஷி, ருக்மணி வசந்த் உள்ளிட்டோர் இணைந்து நடித்து வருகின்றனர் என ஏற்கனவே தகவல்கள் உள்ளது.

இப்படத்தை கன்னடம் மற்றும் ஆங்கிலம் என இரு மொழிகளில் படமாக்கி வருகின்றனர். இப்படம் 2026ம் ஆண்டு மார்ச் 19ம் தேதி அன்று திரைக்கு வருகிறது. சமீபத்தில் இந்த படத்திலிருந்து கியாரா அத்வானி, ஹூமா குரேஷி ஆகியோரின் முதல் பார்வை போஸ்டர்கள் வெளியானதை தொடர்ந்து இன்று டாக்சிக் படத்தில் நயன்தாரா 'கங்கா' எனும் கதாபாத்திரத்தில் நடித்துள்ளதாக முதல் பார்வை போஸ்டருடன் அறிவித்துள்ளனர். மேலும், 'பில்லா, ஆரம்பம், ஜவான்' போன்ற படங்களுக்கு பிறகு இப்படத்தில் நயன்தாரா ஸ்டைலான தோற்றத்தில் நடித்துள்ளார். இதில் நயன்தாரா, யஷ்ஷின் அக்கா கதாபாத்திரத்தில் மற்றும் சற்று வில்லத்தனமான தோற்றத்தில் நடித்துள்ளதாக தகவல்கள் தெரிவிக்கின்றனர்.