100 மில்லியன் கடந்த சிரஞ்சீவி, நயன்தாரா பாடல்

தெலுங்குத் திரையுலகத்தின் முன்னணி சீனியர் நடிகர்களில் ஒருவர் சிரஞ்சீவி. இடையில் அரசியல் பக்கம் சென்றுவிட்டு அதைத் துறந்து மீண்டும் சினிமாவுக்கே வந்துவிட்டார். இப்போதும் அவருக்கென இருக்கும் ரசிகர் கூட்டம் அப்படியேதான் இருக்கிறது. அவர் படத்தின் பாடல் ஒன்றிற்கு 100 மில்லியன் பார்வைகள் யு டியூபில் கடந்து அதை மீண்டும் நிரூபித்திருக்கிறது.

அனில் ரவிப்புடி இயக்கத்தில், சிரஞ்சீவி, நயன்தாரா நடிப்பில் உருவாகி உள்ள படம் ‛மனசங்கர வரபிரசாத் காரு'. பீம்ஸ் செசிரோலியோ இசையமைப்பில் உருவான 'மீசாலா பில்லா' என்ற பாடல் கடந்த வருடம் அக்டோபர் மாதம் யு டியூப் தளத்தில் வெளியிடப்பட்டது. வெளியான 75 நாட்களில் அந்தப் பாடல் 100 மில்லியன் பார்வைகளைக் கடந்துள்ளது.

இப்பாடல் வெளியான போது இளம் நடிகர்களைப் போல சிரஞ்சீவி, இப்படி நடனமாடி காதல் பாடலில் நடிப்பது குறித்த விமர்சனங்கள் எழுந்தது. ஆனால், அவற்றைப் புறம் தள்ளி இந்தப் பாடல் இவ்வளவு வரவேற்பு பெற்றுள்ளது ஆச்சரியப்பட வைத்துள்ளது. சங்கராந்தியை முன்னிட்டு படம் ரிலீஸாகிறது.