தணிக்கையில் ‛யு' சான்றிதழ் பெற்ற ‛வித் லவ்'

டூரிஸ்ட் பேமிலி பட இயக்குனர் அபிஷன் ஜீவிந்த் கதாநாயகனாக அறிமுகமாகி நடித்துள்ள 'வித் லவ்' படத்தை அவரின் உதவி இயக்குநர் மதன் என்பவர் இயக்கியுள்ளார். இதில் கதாநாயகியாக மலையாள நடிகை அனஸ்வரா ராஜன் நடித்துள்ளார். சவுந்தர்யா ரஜினி அவரின் ஜியான் பிலிம்ஸ் மற்றும் டூரிஸ்ட் பேமிலி படத்தின் இணை தயாரிப்பாளர் மகேஷ் ராஜ் பசிலன் அவரின் எம்.ஆர்.பி எண்டெர்டெயிமென்ட் நிறுவனங்களின் மூலம் இணைந்து தயாரித்துள்ளனர். ஷான் ரோல்டன் இசையமைத்துள்ளார். பிப்ரவரி 6ம் தேதியன்று திரைக்கு வருகிறது. சமீபத்தில் வெளியான இதன் டிரைலர் நல்ல வரவேற்பைப் பெற்றது. இப்போது படத்திற்கு தணிக்கை குழு 'யு' சான்றிதழ் அளித்துள்ளதாக அறிவித்துள்ளனர். மேலும், இப்படம் 2 மணி நேர 21 நிமிடங்கள் ஓடும் வகையில் தயாராகியுள்ளது.