'ஆவேஷம் 2': அப்டேட் கொடுத்த பஹத் பாசில்
ADDED : 41 minutes ago
மலையாளத்தில் பஹத் பாசில், ஹிப்ஸ்டர், மிதுன் ஜெயசங்கர் மற்றும் பலர் நடிப்பில் 2024ல் வெளியான படம் 'ஆவேஷம்'. ஜித்து மாதவன் இயக்கியிருந்த இப்படம், கேரளா மட்டுமின்றி தமிழகத்தில் நல்ல வரவேற்பை பெற்றது. ரூ.150 கோடிக்கு மேல் வசூலித்த இப்படம், பஹத் பாசிலின் சினிமா வாழ்க்கையில் முதல் 100 கோடியை கடந்த படம் என்ற சிறப்பை பெற்றது.
இப்படத்தின் 2ம் பாகம் உருவாகுமா என்ற கேள்வி அப்போதிருந்து ரசிகர்களால் கேட்கப்பட்டு வந்த நிலையில், படத்தின் இயக்குனர் ஜித்து மாதவன், தற்போது சூர்யா நடிக்கும் 47வது படத்தை இயக்க கமிட் ஆகியுள்ளார். இந்த நிலையில் பஹத் பாசில் சமீபத்தில் அளித்த பேட்டியில், 'ஆவேஷம் 2' படத்தின் பணிகள் ஆரம்பிக்கப்பட்டுள்ளதாகவும், 2027 அல்லது 2028ல் படம் துவங்கும் என்றும் உறுதிப்படுத்தியுள்ளார்.