ரஜினி, கமல் இணையும் படம் : மகள்கள் பங்கு இருக்குமா?

ரஜினிகாந்த், கமல்ஹாசன் இணைந்து நடிக்கும் படத்தை நெல்சன் இயக்க உள்ளார். இதற்கான ப்ரோமோ ஷூட்டிங் நடந்து முடிந்துள்ளது. இந்த படத்துக்கு அனிருத் இசையமைக்க உள்ள நிலையில், ஹீரோயின் யார் என்பதில் சஸ்பென்ஸ் நிலவுகிறது. ரஜினி, கமலுடன் நடித்துள்ள மீனாவுக்கு நடிக்க ஆர்வம் அதிகமாக இருக்கிறதாம். நெல்சனுக்கு நெருக்கமான நயன்தாராவுக்கும் அந்த ஆசை இருக்கிறதாம்.

இதற்கிடையில், அப்பா படத்தில் நடிக்க வேண்டும் என்று ரஜினி மகள் ஐஸ்வர்யா, சவுந்தர்யாவும், கமல் மகள்கள் ஸ்ருதி, அக் ஷராவும் ஆர்வமாக இருக்கிறார்களாம். கமல் மகள் அந்த படத்தில் நடிக்க ஆசைப்படுகிற நிலையில், ரஜினி மகள்கள் நிர்வாகம் அல்லது வேறு துறையில் பங்கேற்க நினைக்கிறார்களாம். இதுவரை இல்லாத வகையில் தமிழ் சினிமாவில் அதிக பட்ஜெட்டில் அந்த படம் தயாராக உள்ளது. கோலிவுட்டில் ஆயிரம் கோடி வசூலை ஈட்ட வேண்டும் என்ற டார்க்கெட்டில் உருவாக்கப்பட உள்ளது என்கிறார்கள்.