ரஜினி படத்துடன் மோதுகிறது சூர்யா 47 படம்

சூர்யா நடித்துள்ள ‛கருப்பு' படம் விரைவில் ரிலீஸாக உள்ளது. இது தவிர வெங்கி அட்லூரி இயக்கத்தில் தனது 46வது படத்திலும் நடித்துள்ளார். தற்போது அவரின் 47வது படம் துவங்கி உள்ளது. இதை மலையாள இயக்குனர் ஜித்து மாதவன் இயக்குகிறார். இதை சூர்யா புதிதாக துவங்கியுள்ள ழகரம் என்கிற தயாரிப்பு நிறுவனத்தின் மூலம் தயாரிக்கிறார்.

கதாநாயகியாக நஸ்ரியாவும், ஒரு முக்கிய கதாபாத்திரத்தில் நஸ்லினும் நடிக்கின்றனர். இந்த படத்தில் சூர்யா போலீஸ் அதிகாரி கதாபாத்திரத்தில் நடிக்கின்றார். தற்போது இந்த படத்தை 2027ம் ஆண்டு பொங்கலுக்கு திரைக்கு கொண்டு வர ஆரம்ப கட்டமாக திட்டமிட்டுள்ளனர்.

ஏற்கனவே இதே பொங்கலுக்கு சிபி சக்கரவர்த்தி இயக்கத்தில் ரஜினி நடிக்கும் 173வது படமும் திரைக்கு வருகிறது என அறிவித்துள்ளனர் என்பது குறிப்பிடத்தக்கது.