சிரஞ்சீவிக்கு முதல் திருமண அழைப்பிதழ் வைத்த அல்லு சிரிஷ்
ADDED : 1 days ago
தெலுங்கு திரையரங்கில் சிரஞ்சீவியின் உறவினரும் அவரது சகோதரியின் கணவருமான தயாரிப்பாளர் அல்லு அரவிந்தின் இளைய மகன் அல்லு சிரிஷ். தனது அண்ணன் அல்லு அர்ஜுனை போல இவரும் சினிமாவில் நுழைந்து படங்களில் நடித்து வருகிறார். தமிழில் ராதாமோகன் இயக்கிய 'கவுரவம்' என்கிற படத்தில் நடித்துள்ளார். இந்த நிலையில் இவருக்கு கடந்த சில மாதங்களுக்கு முன்பே திருமண ஏற்பாடுகள் செய்யப்பட்டு நயனிகா ரெட்டி என்பவருடன் திருமணம் நிச்சயதார்த்தமும் நடைபெற்றது.
வரும் மார்ச் 6ம் தேதி இவரது திருமணம் நடைபெற இருக்கிறது. இதற்கு முன்னதாக கடந்த சில தினங்களுக்கு முன் துபாயில் ப்ரீ வெட்டிங் நிகழ்ச்சி நடைபெற்றது. இந்த நிலையில் தற்போது அழைப்பிதழ் விநியோகிக்கும் வேலையில் அல்லு சிரிஷ் இறங்கியுள்ளார். அந்த வகையில் முதல் திருமண பத்திரிக்கையை தெலுங்கு சம்பிரதாய முறைப்படி தாய் மாமாவான சிரஞ்சீவி-சுரேகா தம்பதிக்கு கொடுத்திருக்கிறார் அல்லு சிரிஷ்.