நுரையீரல் பிரச்னை : கன்னட நடிகை ரஷ்மி லீலா மரணம்

கன்னட சினிமாவில் குணசித்ர நடிகையாக வலம் வந்தவர் ரஷ்மி லீலா. பிராணா, கிராம தேவதே, சிஹி முத்து உள்ளிட்ட படங்களில் நடித்து புகழ் பெற்றவர். கன்னட டிவி தொடர்களிலும் நடித்து பிரபலமானார். சமூக வலைத்தளங்களிலும் பிசியாக இருந்து வந்தார்.

37 வயதான ரஷ்மி லீலா, கடந்த 2019ம் ஆண்டு நுரையீரல் நோயால் பாதிக்கப்பட்டார். மருத்துவனையில் சிகிச்சை பெற்று வந்தவருக்கு நுரையீரல் மாற்று அறுவை சிகிச்சையும் நடந்தது. அதன்பிறகு அவரது உடல்நலம் மேலும் பாதிக்கப்பட்டது.

இந்நிலையில் மருத்துவமனையில் சிகிச்சை பெற்று வந்த நிலையில் காலமானார். இது கன்னட சினிமாவில் அதிர்ச்சியை ஏற்படுத்தி உள்ளது. கன்னட திரையுலகினர் ரஷ்மியின் மறைவுக்கு இரங்கல் தெரிவித்து வருகிறார்கள்.