போலீஸ் அதிகாரியாக சசிகுமார்

இயக்குனர் மற்றும் நடிகர் சசிகுமார் தமிழில் பெரும்பாலும் கிராமத்து கதையம்சம் கொண்ட படங்களை தேர்ந்தெடுத்து நடித்து வருகிறார். சமீபத்தில் இவரது நடிப்பில் வெளிவந்த 'மை லார்ட்' படம் விமர்சகர்கள் மத்தியில் நல்ல வரவேற்பைப் பெற்றது. தற்போது சசிகுமார் முதல்முறையாக போலீஸ் அதிகாரி கதாபாத்திரத்தில் நடிக்கவுள்ளார்.

நீண்ட வருடங்களுக்கு முன்பு நினைத்து நினைத்து பார்த்தேன் என்ற படத்தை இயக்கிய மணிகண்டன் என்பவர் தான் இப்படத்தை இயக்கவுள்ளார். இந்த படத்தில் கதாநாயகியாக நடிக்க சமீபத்தில் வெளியான கப்புல் பிரண்ட்லீ படத்தில் நடித்துள்ள மானசா வாரணாசி நடிக்க ஒப்பந்தம் ஆகியுள்ளார் என தகவல் வெளியாகியுள்ளது.