கவினுக்கு ஜோடியாகும் சஞ்சனா கிருஷ்ணமூர்த்தி

தமிழ் சினிமாவில் வளர்ந்து வரும் இளம் நடிகர் கவின். தற்போது இவர் ஹாய் என்கிற படத்தில் நடித்து வருகிறார். இதையடுத்து தண்டட்டி படத்தை இயக்கி அனைவரின் கவனத்தை பெற்ற இயக்குனர் ராம் சங்கயா இயக்கத்தில் நாயகனாக நடிக்கவுள்ளார். லப்பர் பந்து, சர்தார் போன்ற படங்களை தயாரித்த பிரின்ஸ் பிக்சர்ஸ் நிறுவனம் தயாரிக்கிறது.

இந்த படத்தின் முன் தயாரிப்பு பணிகள் நிறைவு பெற்றும் படப்பிடிப்பு தொடங்குவதில் தாமதம் ஏற்பட்டது. காரணம் நாயகி தேர்வில் இழுபறி நீடித்தது. தற்போது இதில் கதாநாயகியாக லப்பர் பந்து படத்தின் மூலம் பிரபலமான சஞ்சனா கிருஷ்ணமூர்த்தி நடிக்கவுள்ளார் என கூறப்படுகிறது. இந்த படத்திற்காக கவினுக்கு சில கோடிகள் சம்பளமாக பேசப்பட்டுள்ளதாம்.