ஆஞ்சநேயர் பிறந்த ஊரில் பூஜையுடன் துவங்கிய 'ஜெய் ஹனுமான்'

கடந்த 2024ல் தெலுங்கில் புராண கதை அம்சம் கொண்ட 'ஹனுமன்' திரைப்படம் வெளியாகி மிகப்பெரிய அளவில் வெற்றியைப் பெற்று 250 கோடிக்கு மேல் வசூலித்தது. இந்த படத்தை இயக்குனர் பிரசாந்த் வர்மா இயக்கி இருந்தார். கதாநாயகனாக தேஜா சஜ்ஜா நடித்திருந்தார். இந்த படத்தின் வெற்றியை தொடர்ந்து தற்போது இதன் இரண்டாம் பாகம் 'ஜெய் ஹனுமான்' என்கிற பெயரில் உருவாகிறது.

இந்த இரண்டாம் பாகத்தில் பிரபல கன்னட இயக்குனரும் நடிகருமான காந்தாரா புகழ் ரிஷப் ஷெட்டி கதாநாயகனாக நடிக்கிறார். இந்த படத்தை மைத்ரி மூவி மேக்கர்ஸ் நிறுவனம் தயாரிக்கிறது. இந்த நிலையில் தற்போது இந்த படத்தின் துவக்க விழா பூஜை, ஹனுமான் பிறந்த இடம் என கருதப்படும் ஹம்பியில் உள்ள அஞ்சனாத்திரி என்கிற இடத்தில் நடைபெற்றுள்ளது. இதில் படத்தின் ஹீரோ ரிஷப் ஷெட்டிஉள்ளிட்ட படக்குழுவினர் அனைவரும் கலந்து கொண்டனர்.