வெங்கடேஷ் படத்திற்காக தெலுங்கில் நுழைந்த யோகி பாபு

தெலுங்கில் கடந்த மாதம் சிரஞ்சீவி நடிப்பில் வெளியான 'மன சங்கர வர பிரசாத் காரு' திரைப்படத்தில் ஒரு சிறப்பு தோற்றத்தில் நடித்திருந்த வெங்கடேஷ், அதை தொடர்ந்து அடுத்ததாக 'ஆதர்ச குடும்பம் - ஹவுஸ் நம்பர் 47' (ஏகே 47) என்கிற படத்தில் கதாநாயகனாக நடிக்கிறார். பிரபல இயக்குனர் திரிவிக்ரம் ஸ்ரீனிவாஸ் இந்த படத்தை இயக்குகிறார். இந்த படத்தின் கதாநாயகியாக ஸ்ரீநிதி ஷெட்டி நடிக்கிறார். இந்த படத்திற்கு ஹர்ஷவர்தன் ராமேஸ்வர் இசை அமைக்கிறார்

இந்த நிலையில் நடிகர் யோகி பாபு இந்த படத்தில் நகைச்சுவை கதாபாத்திரம் ஒன்றில் நடிப்பதற்காக இணைந்துள்ளார். தெலுங்கில் முதன்முறையாக யோகி பாபு நடிக்கும் படம் இதுதான். இதற்கு முன்னதாக மலையாளத்தில் பிரித்விராஜ் நடித்த குருவாயூர் அம்பலநடையில் என்கிற படத்திலும் கொஞ்ச நேரமே வந்து போகும் ஒரு காமெடி கதாபாத்திரத்தில் யோகி பாபு நடித்திருந்தார் என்பது குறிப்பிடத்தக்கது.