ரீ ரிலீஸில் ஏமாற்றிய விஜய்யின் 'தெறி'

தமிழ் சினிமாவில் கடந்த சில மாதங்களில் ரீ ரிலீஸ் படங்கள் என்பது ஒரு டிரெண்டாகவே இருந்தது. விஜய், அஜித் ஆகியோரது படங்கள் ரீ ரிலீஸ் ஆகி அவை சில கோடிகளை வசூலித்தும் தந்தது.

இந்த வருடத்தில் முன்னணி நடிகர்களின் படங்கள் எதுவும் வெளிவராத காரணத்தால் வாராவாரம் ரீ ரிலீஸ் படங்களை வெளியிட ஆரம்பித்தார்கள். கடந்த வாரம் விஜய் நடித்த 'தெறி' படத்தை ரீ ரிலீஸ் செய்தார்கள். ஆனால், புதிய படமாக வெளிவந்த 'தாய் கிழவி' படத்திற்கு ரசிகர்களிடம் வரவேற்பு இருந்தது.

மேலும், கடந்த வாரம் விஜய் மீது அவரது மனைவி விவகாரத்து கோரி மனு தாக்கல் செய்திகளும் பரபரப்பை ஏற்படுத்தியது. இதனாலும், 'தெறி' படத்தைப் பார்க்க விஜய் ரசிகர்களே முன்வரவில்லை என்று தகவல் வெளியாகி உள்ளது.

ஏற்கெனவே சில புதிய படத் தயாரிப்பாளர்கள் கேட்டுக் கொண்டதால் 'தெறி' படத்தின் ரீ ரிலீஸைத் தள்ளி வைத்தார்கள். அப்படி தள்ளி வைத்தும் தவறான ஒரு காலகட்டத்தில் படம் வந்ததால் வசூலைப் பெற முடியாமல் போய்விட்டது.