மார்ச் 6ல் ஓடிடியில் 'வித் லவ்'

அறிமுக இயக்குனர் மதன் இயக்கத்தில், 'டூரிஸ்ட் பேமிலி' பட இயக்குனர் அபிஷன் ஜீவிந்த் கதாநாயகனாக அறிமுகமான படம் 'வித் லவ்'. அனஸ்வரா ராஜன், ஹரிஷ்குமார், காவ்யா அனில் மற்றும் பலர் நடித்த இந்தப் படம் கடந்த பிப்ரவரி மாதம் 6ம் தேதி தியேட்டர்களில் வெளியானது. சுமார் 40 கோடி வசூலித்ததாக சொல்லப்படும் இந்தப் படம் இந்த வாரம் மார்ச் 6ம் தேதி ஓடிடி தளத்தில் வெளியாக உள்ளது.

நெட்பிளிக்ஸ் ஓடிடி தளத்தில் தமிழ், ஹிந்தி, தெலுங்கு, கன்னடம், மலையாளம் ஆகிய ஐந்து மொழிகளில் இப்படத்தை வெளியிடுகிறார்கள். தியேட்டர்களில் ரசிகர்களின் வரவேற்பைப் பெற்ற இந்தப் படம் ஓடிடி தளத்திலும் அப்படியான வரவேற்பைப் பெறும் என்று எதிர்பார்க்கப்படுகிறது.

கடந்த பிப்ரவரி மாதத்தில் வெளியான படங்களில் தியேட்டர் வசூலில் அதிக வசூலைக் குவித்த படம் இதுதான். இந்த வருடத்தில் இதுவரையில் வெளியான படங்களில் 'தலைவர் தம்பி தலைமையில்' படத்திற்கு அடுத்து இந்தப் படம்தான் லாபத்தைக் கொடுத்துள்ளது.

நடிகர் ரஜினிகாந்தின் இளைய மகள் சவுந்தர்யா ரஜினிகாந்த் இந்தப் படத்தை இணைந்து தயாரித்தார். தான் பெற்ற முதல் வெற்றி இந்தப் படம் என அவர் படத்தின் நன்றி தெரிவிக்கும் நிகழ்வில் பேசியிருந்தார்.