பிளாஷ்பேக்: திடீரென காணாமல் போன பேபி உமா

பெரிய நட்சத்திரங்களை போன்றே அன்றைய குழந்தை நட்சத்திரங்களுக்கும் பெரிய மதிப்பு இருந்தது. அழகான குழந்தைகள் திரையில் தோன்றுவதையும், பேசுவதையும், அவர்கள் சேட்டைகளையும் ரசித்தார்கள். இதனாலேயே குழந்தைகளுக்கு முக்கியத்தும் உள்ள படங்கள் அப்போது தயாரானது. ஒவ்வொரு காலகட்டத்திலும் ஒரு குழந்தை நட்சத்திரம் உச்சத்தில் இருந்தார்.

அப்படி இருந்த ஒரு நட்சத்திரம்தான் பேபி உமா. புகழ்பெற்ற 'லவ குசா' படத்தில் 'லவ' கேரக்டரில் நடித்தவர். ஆர்.எஸ்.மனோகர் கதாநாயகனாக நடித்த 'வண்ணக்கிளி' படத்தில் மனோகரின் மகளாக, தாயில்லா பிள்ளையாக நடித்தார். 'சின்ன பாப்பா எங்க செல்ல பாப்பா, சொன்னப் பேச்சைக் கேட்டாத்தான் நல்ல பாப்பா' என்ற. பாடலை பேபி உமாவுக்காக பி.எஸ்.சரோஜா பாடுவார்.

நீலாவுக்கு நெறஞ்ச மன்சு குணசுந்தரி, நீலமலைத் திருடன், புதையல், அவன் அமரன், தலை கொடுத்தான் தம்பி உள்ளிட்ட பல படங்களில் நடித்தார். பேபி உமாவின் துடுக்குத்தனமான பேச்சு. பெரிய பெண் போன்ற முகத்தோற்றம் இவற்றில் ரசிகர்கள் மயங்கி இருந்தார்கள்.

ஆனால் ஒரு கட்டத்திற்கு பிறகு அவர் சினிமாவை விட்டே விலகி விட்டார். அதற்கான காரணம் தெரியவில்லை. 15 வயதில் அவருக்கு திருமணம் செய்து வைத்து விட்டார்கள் என்றும், கணவர் வீட்டில் நடிக்க அனுமதிக்கவில்லை என்றும் கூறுவார்கள்.