லெஜெண்ட் சரவணனின் 'லீடர்' படத்தின் டீசர் வெளியானது!

ஜேடி ஜெர்ரி இயக்கிய 'லெஜெண்ட்' என்ற படத்தில் அறிமுகமானவர் தொழிலதிபர் சரவணன். அதையடுத்து தற்போது துரை செந்தில்குமார் இயக்கத்தில் 'லீடர்' என்ற படத்தில் நடித்துள்ளார். இப்படத்தில் அவருடன் பாயல் ராஜ்புட், ஆண்ட்ரியா, ஷியாம் உள்ளிட்ட பலர் முக்கிய வேடங்களில் நடித்துள்ளார்கள். ஏப்ரல் மாதம் திரைக்கு வரும் இந்த படத்தின் டீசர் தற்போது வெளியிடப்பட்டுள்ளது.

மிரட்டலான சண்டைக் காட்சிகள் அதிரடியான வசனங்கள் என்று ஆக்சன் கதையில் இந்த படம் உருவாகி இருக்கிறது. முக்கியமாக 'ஜனநாயகன்' படத்தின் டிரைலரில் தனது கையில் தீப்பந்தத்துடன் விஜய் காட்சி கொடுத்தது போன்று இந்த 'லீடர்' படத்தின் டீசரில் லெஜெண்ட் சரவணனும் கையில் தீப்பந்தத்துடன் காட்சி கொடுக்கிறார். ஜிப்ரான் இசையமைத்துள்ள இந்த லீடர் படத்தின் டீசர் தற்போது சோசியல் மீடியாவில் வைரலாகி வருகிறது.