சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் அறிவிப்பு
ADDED : 15 minutes ago
தெலுங்கானா மாநிலமும், ஆந்திர மாநிலமும் ஒன்றுபட்ட ஆந்திரா மாநிலமாக இருந்த போது தெலுங்கு திரையுலகத்திற்காக வழங்கப்பட்ட நந்தி விருதுகள் மதிப்பு மிக்க விருதுகளாகக் கருதப்பட்டது. சுமார் பத்து வருடங்களுக்கு முன்பு அந்த விருதுகள் வழங்கப்படுவது நிறுத்தப்பட்டது.
2025ம் வருடம் முதல் தெலங்கானா மாநில அரசு அவர்கள் சார்பாக 'கட்டார் விருதுகள்' என்ற பெயரில் தெலுங்கு திரையுலகத்திற்கு விருதுகளை வழங்க ஆரம்பித்தது. 2014ம் ஆண்டு முதல் 2024ம் ஆண்டு வரையிலான விருதுகள் விருதுகள் அறிவிக்கப்பட்டு பின்னர் நடைபெற்ற விழாவில் அவை வழங்கப்பட்டன.
தற்போது 2025ம் ஆண்டிற்கான கட்டார் விருதுகளை தெலங்கானா மாநில அரசு அறிவித்துள்ளது. மார்ச் 19ம் தேதி தெலுங்கு வருடப் பிறப்பன்று விருது வழங்கும் விழா நடைபெற உள்ளது.
என்டிஆர் விருது - சிரஞ்சீவி
பைடி ஜெய்ராஜ் விருது - கமல்ஹாசன்
நாகிரெட்டி சக்ரபாணி விருது - அஷ்வினி தத்
ஏஎன்ஆர் விருது - ஜெயசுதா
சிறந்த படம் - ராஜு வெட்ஸ் ராம்பாய்
சிறந்த படம் 2வது இடம் - தண்டோரா
சிறந்த படம் 3வது இடம் - தி ப்ரி வெட்டிங் ஷோ
சிறந்த தேசிய ஒற்றுமைப் படம் - தண்டேல்
சிறந்த சுற்றுச்சூழல் படம் - இக்வா
சிறந்த அறிமுகப் படம் - லிட்டில் ஹார்ட்ஸ்
சிறந்த பிரபல பொழுதுபோக்கு படம் - சங்கராந்திகி வஸ்துனம்
சிறந்த சமூகக் கருத்து படம் - கோர்ட்
சிறந்த ஸ்பெஷல் எபக்ட்ஸ் படம் - மிராய்
சிறந்த குழந்தைகள் படம் - அனகனகா
சிறந்த நடிகர் - நாக சைதன்யா (தண்டேல்)
சிறந்த நடிகை - ராஷ்மிகா மந்தனா ( தி கேர்ள்பிரண்டு)
சிறந்த இயக்குனர் - சைலு (ராஜு வெட்ஸ் ராம்பாய்)
சிறந்த துணை நடிகர் - சிவாஜி
சிறந்த துணை நடிகை - பூமிகா
சிறந்த இசையமைப்பாளர் - மார்க் கே ராபின் (தண்டோரா)
சிறந்த பின்னணிப் பாடகர் - அனுராக் (ராஜு வெட்ஸ் ராம்பாய்)
சிறந்த பின்னணி பாடகி - சஹிதி சகண்டி (கண்ணப்பா)
சிறந்த நகைச்சுவை நடிகர் - கிருஷ்ணா தேஜா (ஜிக்ரிஸ்)
சிறந்த குழந்தை நட்சத்திரம் - ரோஹன் ராய் (த ப்ரி வெட்டிங் ஷோ)
சிறந்த கதையாசிரியர் - குணசேகர் (யுபோரியா)
சிறந்த திரைக்கதை ஆசிரியர் - அனில் ரவிப்புடி
சிறந்த பாடலாசிரியர் - நந்தகிஷோர் (குபேரா)
சிறந்த ஒளிப்பதிவாளர் - கார்த்திக் கட்டமனேனி (மிராய்)
சிறந்த எடிட்டிர் - ஸ்ரீகர் பிரசாத் (மிராய்)
சிறந்த ஒலிப்பதிவாளர் - எம்ஆர் ராதாகிருஷ்ணன் (கிஷ்கிந்தாபுரி)
சிறந்த நடனம் - கிரா கிரா கிரா (சாம்பியன்)
சிறந்த கலை இயக்குனர் - தோட்டா தரணி (சாம்பியன்)
சிறந்த மேக்கப் கலைஞர் - கோவிந்த் (அகாண்டா 2)
சிறந்த ஆடை வடிவமைப்பாளர் - சந்திரகாந்த் (சாம்பியன்)
சிறப்பு நடுவர் விருதுகள்
சிறந்த படம் - 23
சிறந்த நடிகர் - சைட்டு ஜொன்னலகட்டா ( ராஜு வெட்ஸ் ராம்பாய்)
சிறந்த நடிகை - அனந்திகா (8 வசந்தலு)
சிறப்பு நடுவர் நாயகன் - ரோஷன் (சாம்பியன்)