துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்

ஆதித்யா தர் இயக்கத்தில் ரன்வீர் சிங் நடிப்பில் வெளியான துரந்தர் படம் சூப்பர் ஹிட் அடித்த நிலையில் தற்போது அப்படத்தின் இரண்டாம் பாகம் உருவாகியுள்ளது. இந்த படம் வருகிற மார்ச் 19ம் தேதி திரைக்கு வருகிறது. சில தினங்களுக்கு முன்பு படத்தின் டிரைலர் வெளியாகி ரசிகர்கள் மத்தியில் வரவேற்பு பெற்று வரும் நிலையில் படத்தின் தெலுங்கு பதிப்பு குறித்து ஒரு தகவல் தற்போது வெளியாகி இருக்கிறது. அதாவது, இந்த துரந்தர் 2 படத்தின் தெலுங்கு டப்பிங் பணிகள் ஐதராபாத்தில் உள்ள அன்னபூரணி ஸ்டுடியோவில் தற்போது நடைபெற்று வருகிறது.

இந்த நிலையில் சோசியல் மீடியாவில் இயக்குனர் ஆதித்யா தருக்கு தெலுங்கு ரசிகர்கள் ஒரு கோரிக்கை வைத்துள்ளார்கள். அதில், துரந்தர்-2 படத்தின் பாடல்களை தெலுங்கில் டப்பிங் செய்வதற்கு பதிலாக அசல் ஹிந்தி பதிப்பிலேயே வைக்குமாறு கேட்டுக் கொண்டுள்ளார்கள். காரணம் கடந்த காலங்களில் பல டப்பிங் பாடல்களை பார்த்த தெலுங்கு ரசிகர்கள் மோசமான அனுபவத்தை பெற்றுள்ளார்கள். மொழி பெயர்ப்பு காரணமாக பாடல்களின் தாக்கம் குறைந்து விடுவதாகவும் தெரிவித்துள்ளார்கள். இதனால் துரந்தர் 2 படம் தெலுங்கில் டப் செய்யப்பட்டாலும் பாடல்களை ஹிந்தியிலேயே வெளியிட்டு விடலாமா என்று அப்படக்குழு ஆலோசித்து வருவதாக தகவல்கள் வெளியாகியுள்ளன.