பிரியா பவானி சங்கரை தொடர்ந்து ரவிதேஜா படத்தில் இணைந்த தமன்னா!

ஹிந்தியில் நடித்த 'ஓ ரோமியோ' படத்தை அடுத்து தற்போது தமிழில் சுந்தர்.சி இயக்கத்தில் விஷால் நடிக்கும் 'புருஷன்' படத்தில் நடித்து வரும் தமன்னா, ஹிந்தி, தெலுங்கில் மேலும் பல படங்களில் பிசியாக நடித்து வருகிறார். அதோடு, தெலுங்கில் 'தட் இஸ் மகாலட்சுமி' என்ற படத்தில் கதையின் நாயகியாக நடிக்கிறார் தமன்னா. பிரசாந்த் வர்மா இயக்கும் இப்படம் ஹிந்தியில் 2014ம் ஆண்டு வெளியான 'குயின்' என்ற படத்தை தழுவி உருவாகிறது.

இந்த நிலையில் தற்போது தெலுங்கில் ரவிதேஜா நடித்து வரும் 'இருமுடி' என்ற படத்திலும் இணைந்திருக்கிறார் தமன்னா. இந்த படத்தில் ரவிதேஜாவுக்கு ஜோடியாக பிரியா பவானி சங்கர் நடித்து வருகிறார். ஐயப்ப சுவாமி பக்தராக கருப்பு உடை அணிந்து எளிய மனிதராக ரவிதேஜா நடிக்கும் இந்த படத்தில் தற்போது கதையின் ஒரு முக்கிய கீ ரோலில் நடிப்பதற்கு தமன்னாவை ஒப்பந்தம் செய்துள்ளார்கள். ரவி தேஜா, பிரியா பவானி சங்கர் சம்பந்தப்பட்ட பெரும்பாலான காட்சிகள் படமாக்கப்பட்டுள்ள நிலையில், விரைவில் தமன்னா நடிக்கும் காட்சிகள் படமாகிறது.