முதல்வர் ஸ்டாலினின் வாழ்க்கை படமாகிறது: சமுத்திரக்கனி இயக்குகிறார்?

இயக்குனராக இருந்து நடிகராக ஆனவர் சமுத்திரக்கனி. அவ்வப்போது இயக்கம் பக்கம் திரும்பினாலும், படங்களில் நடிப்பதை நிறுத்தவில்லை. சமீபத்தில் இவர் நடித்த ‛தடயம்' வெப் தொடர் பாசிட்டிவான வரவேற்பை அளித்துள்ளது. இந்த நிலையில், திமுக தலைவரும், முதல்வருமான மு.க. ஸ்டாலினின் வாழ்க்கை வரலாறை சினிமாவாக எடுக்க சமுத்திரக்கனி முயற்சித்து வருகிறார். இதற்காக ஸ்டாலின் பற்றிய தரவுகளை சேகரித்து வரும் சமுத்திரக்கனி, அவருடைய நண்பர்கள், முக்கிய தலைவர்கள் உள்ளிட்டோரை சந்தித்து தகவல்களை திரட்டி வருகிறாராம்.

ஸ்டாலின் பற்றிய தகவல்கள், தரவுகளை வைத்து திரைக்கதை அமைத்து அதன்பிறகு ஸ்டாலினின் வாழ்க்கை வரலாறு படத்தை எடுக்க உள்ளார். அதில் ஸ்டாலினாக அவரே நடிப்பார் என்றும் கூறப்படுகிறது. சமுத்திரக்கனியின் நண்பரும், இயக்குனருமான போஸ் வெங்கட், இக்கதை உருவாக்கத்திற்கு உதவி செய்து வருவதாக சமுத்திரக்கனி சமீபத்தில் தெரிவித்தித்தார். இப்படத்தை 2027ல் துவக்க திட்டமிட்டுள்ளார்.