69 வயதில் சூப்பர் ஹீரோவாக நடிக்கும் ஜாக்கி ஷெராப்

பாலிவுட்டில் கதாநாயகனாக, வில்லனாக, தற்போது குணச்சித்திர நடிகராக என எப்போதும் பிசியான நடிகராக நடித்து வருபவர் ஜாக்கி ஷெராப். தமிழில் 'பிகில், ஜெயிலர்' ஆகிய படங்களில் முக்கிய கதாபாத்திரங்களில் நடித்திருந்தார். இந்த நிலையில் தற்போது ஹிந்தியில் உருவாகி வரும் சூப்பர் மேன் கதையம்சம் கொண்ட 'தி கிரேட் கிராண்ட் சூப்பர் ஹீரோ ; ஏலியன்ஸ் கா ஆக்மேன்' என்கிற படத்தில் சூப்பர் மேன் கதாபாத்திரத்தில் நடித்துள்ளார் ஜாக்கி ஷெராப்.

இந்த படத்தில் இருந்து ஜாக்கி ஷெராப்பின் பர்ஸ்ட் லுக் கிளிம்ப்ஸ் வீடியோ வெளியாகி உள்ளது. இதில் பள்ளி மாணவன் ஒருவனின் தாத்தாவாக இருக்கும் ஜாக்கி ஷெராப் அவனின் விருப்பத்தை நிறைவேற்றும் விதமாக சூப்பர் மேன் ஆக மாறுகிறார் என்பது போன்று இந்த கதை உருவாக்கப்பட்டுள்ளதாக தெரிகிறது. இதில் சூப்பர் மேன் போன்ற உருவத்திற்காக ஜாக்கி ஷெராப் உருவத்தை டி ஏஜிங் முறையில் மாற்றியிருக்கிறார்கள் என்றே தெரிகிறது.