சிஸ்டத்தை சரி செய்ய ஜோதிகாவுடன் கைகோர்த்த சோனாக்ஷி சின்ஹா

கடந்த சில வருடங்களாகவே நடிகை ஜோதிகா மும்பைவாசியாக மாறிவிட்டார். அதுமட்டுமல்ல மீண்டும் ஹிந்தியில் தனக்கான நல்ல கதாபாத்திரங்களாகவும், கதை அம்சம் கொண்ட படங்களையும் தேர்ந்தெடுத்து நடிக்க துவங்கியுள்ளார். அந்த வகையில் இயக்குனர் அஸ்வினி ஐயர் திவாரியின் டைரக்ஷனில் உருவாகும் சிஸ்டம் படத்தில் கதையின் நாயகியாக நடிக்கிறார் ஜோதிகா.

இவருடன் இணைந்து இன்னொரு முக்கிய கதாபாத்திரத்தில் சோனாக்ஷி சின்ஹா நடிக்கிறார். கோர்ட் ரூம் டிராமாவாக உருவாகும் இந்த படத்தில் சோனாக்ஷி சின்ஹா ஒரு அரசு வக்கீலாகவும், ஜோதிகா அதே கோர்ட்டில் வேலை செய்யும் ஒரு ஸ்டெனோகிராபர் கதாபாத்திரத்திலும் நடிக்கிறார்கள். இவர்கள் இருவரையும் தவிர இன்னொரு முக்கிய வேடத்தில் நடிகர் அசுதோஷ் கோவ்ரிகர் நடிக்கிறார். சமீபத்தில் இந்த சிஸ்டம் படத்தின் டீசர் வெளியாகி உள்ளது.