கவர்ச்சிக்கு மாறிய மாளவிகா நாயர்

அபிலாஷ் ரெட்டி இயக்கத்தில் சர்வானந்த், டாக்டர் ராஜசேகர் நடிக்கும் 'பைக்கர்' படத்தில் ஹீரோயினாக மாளவிகா நாயர் நடிக்கிறார். சென்னையில் நடந்த இந்த பட விழாவுக்கு கவர்ச்சியாக வந்தார். அதை பார்த்து பலரும் ஆச்சரியப்பட்டனர். காரணம் இதற்கு முன்பு ராஜுமுருகன் இயக்கிய 'குக்கூ' படத்தில் படு ஹோம்லியாக நடித்தவர் மாளவிகா நாயர். இப்போது இப்படி மாறிவிட்டார்.

அவர் பேசுகையில், ''சென்னைக்கு மீண்டும் வருவது எனக்கு மிகவும் மகிழ்ச்சியாக இருக்கிறது. இங்கே கிடைக்கும் அன்பும் வரவேற்பும் எப்போதும் நினைவில் நிற்கும். இன்னும் பல தமிழ் படங்களில் நடிக்க வேண்டும் என்ற ஆசை இருக்கிறது. அதேபோல், ஹீரோ சர்வாவின் மற்ற படங்களுக்கு நீங்கள் கொடுத்த அன்பைப் போலவே 'பைக்கர்' படத்திற்கும் ஆதரவு தர வேண்டும் என்று விரும்புகிறேன். சர்வா பற்றி நான் அதிகமாகச் சொல்லத் தேவையில்லை, ஏனெனில் அவரை அனைவரும் ஏற்கனவே நன்றாக அறிவீர்கள். எங்கள் படத்தை திரையரங்கில் பார்த்து ரசிக்க வேண்டும் என்பதே என் அன்பான வேண்டுகோள்'' என்றார். தமிழில் 'எங்கேயும் எப்போதும், கணம், ஜே ஜே எனும் நண்பன்' படங்களில் நடித்தவர் சர்வானந்த். 'பைக்கர்' படம் ஏப்ரல் 3ல் ரிலீஸ் ஆகிறது.