அஜித் பிறந்தநாளில் ‛ஆழ்வார்' ரீ ரிலீஸ்?

கடந்த 2007ம் ஆண்டில் செல்லா அய்யாவு இயக்கத்தில் அஜித், அசின் இணைந்து நடித்து வெளியான படம் 'ஆழ்வார்' . அந்த காலகட்டத்தில் போக்கிரி, தாமிரபரணி ஆகிய படங்களுடன் வெளியாகி தோல்வியை தழுவியது. அஜித்தின் திரைப்பயணத்தில் கேலி, கிண்டல்களுக்கு அதிகம் உள்ளான படம் இது என்பார்கள்.

இந்நிலையில் 19 ஆண்டுகளுக்கு பிறகு ஆழ்வார் படத்தை வருகின்ற மே 1ம் தேதி, உழைப்பாளர் தினம் மற்றும் அஜித்தின் பிறந்தநாள் தினத்தை முன்னிட்டு ரீ ரிலீஸ் செய்ய திட்டமிட்டுள்ளதாக தகவல் வெளியாகியுள்ளது. பெரும்பாலும் வெற்றி படத்தையோ, மக்கள் மத்தியில் பேசப்பட்ட படத்தை தான் ரீ ரிலீஸ் செய்வார்கள். ஆனால் தோல்வி படமான ஆழ்வார்-ஐ ரீ ரிலீஸ் செய்வது வியப்பாக உள்ளது.