சூரியின் மண்டாடி படத்தை கைப்பற்றிய நெட்பிளிக்ஸ்

மதிமாறன் புகழேந்தி இயக்கத்தில் சூரி, சுஹாஸ், மகிமா நம்பியார், மிதுன் ஜெய்சங்கர் உள்ளிட்டோர் நடித்து வரும் படம் 'மண்டாடி'. ஆர்.எஸ்.இன்போடெயின்மென்ட் தயாரிக்கும் இப்படத்திற்கு ஜி.வி.பிரகாஷ் இசையமைக்கிறார். இப்படம் முழுக்க முழுக்க கடல், மீனவர்கள், அவர்களுக்கு இடையே நடக்கும் படகுபோட்டி உள்ளிட்ட விஷயங்களை வைத்து எடுக்கப்படுகிறது. சூரி இதுவரை ஹீரோவாக நடித்த படங்களை விட இந்த படத்தின் பட்ஜெட் அதிகம். இதுவரை 95 நாட்கள் கடலிலேயே இதன் படப்பிடிப்பை நடத்தியுள்ளனர். இன்னும் 30 - 40 நாட்கள் மீதமுள்ளது என்கிறார்கள். இந்நிலையில் மண்டாடி படத்தை தயார் செய்த வரைக்கும் டிஜிட்டல் உரிமைக்காக நெட்பிளிக்ஸ் நிறுவனத்தின் முக்கிய நபர்களுக்கு திரையிட்டுள்ளனர். அவர் படத்தை பார்த்த பிறகு ‛மண்டாடி' டிஜிட்டல் உரிமையை ரூ.25 கோடிக்கு வாங்கி கொள்ள சம்மதம் தெரிவித்துள்ளதாக கூறப்படுகிறது.