சிவகார்த்திகேயன் படத்தில் திலீப் நடிப்பது உறுதி!

'பார்க்கிங்' பட இயக்குனர் ராம்குமார் பாலகிருஷ்ணன் நடிகர் சிம்புவின் 49வது படத்தை இயக்குவதாக இருந்தது. ஆனால், அந்த படம் கைவிடப்பட்டது. இதையடுத்து ராம்குமார் பாலகிருஷ்ணன் ரஜினி படம் இயக்குவதாக இருந்ததும் கை நழுவி போனது.
தற்போது ராம்குமார் பாலகிருஷ்ணன் சிம்புவிற்கு கூறிய அதே கதையில் தான் நடிகர் சிவகார்த்திகேயன் நடிக்கவுள்ளார் என்பது உறுதியாகியுள்ளது.

பேஷன் ஸ்டுடியோஸ் தயாரிக்கும் இந்த படத்திற்கு சாய் அபயங்கர் இசையமைக்கிறார். ஏற்கனவே இந்த படத்தில் ஒரு முக்கியமான கதாபாத்திரத்தில் நடிக்க மலையாள நடிகர் திலீப் உடன் பேச்சுவார்த்தை நடைபெற்று வருவதாக தகவல் வெளியானது. தற்போது திலீப் இந்த படத்தில் நடிப்பது உறுதியாகியுள்ளது என மலையாள சினிமா வட்டாரத்தில் தகவல் தெரிவிக்கின்றனர்.