'அயோத்தி' பட இயக்குனர் உடன் கைகோர்த்த விஜய் ஆண்டனி!

கடந்த 2023ம் ஆண்டில் அறிமுக இயக்குனர் மந்திரமூர்த்தி இயக்கத்தில் சசிகுமார் நடித்து வெளியான படம் 'அயோத்தி'. இத்திரைப்படத்தை பார்த்த அனைவரிடமும் நல்ல வரவேற்பு கிடைத்தது.

கடந்த இரண்டு வருடங்களாக இவரின் அடுத்த படத்தில் நடிக்க வைக்க தனுஷ், மாதவன், லாரன்ஸ் ஆகிய நடிகர்களுடன் பேச்சு வார்த்தை நடைபெற்று வந்ததாக தகவல்கள் பரவியது.

ஒரு வழியாக மந்திர மூர்த்தியின் அடுத்த படம் உறுதியாகியுள்ளது. அதன்படி, மந்திர மூர்த்தி இயக்கத்தில் விஜய் ஆண்டனி தான் கதாநாயகனாக நடிக்கவுள்ளார். இந்த படத்தின் முதற்கட்ட படப்பிடிப்பை மே மாத இறுதியில் மதுரையில் துவங்குகின்றனர். தொடர்ந்து 45 நாட்களில் இந்த படத்தின் முழு படப்பிடிப்பையும் நடத்த திட்டமிட்டுள்ளார் என தகவல் வெளியாகியுள்ளது.