பிரான்ஸிற்கு செல்லும் வாரணாசி குழு

ராஜமவுலி இயக்கி வரும் வாரணாசி படப்பிடிப்பு தொடர்ந்து நடைபெற்று வருகிறது. இதை உலகளாவிய தளங்களில் விளம்பரப்படுத்தும் பணிகள் நடைபெற்று வருகிறது. இந்த படத்தின் படப்பிடிப்பு தளங்கள், திரைக்குப் பின்னணியில் நடக்கும் பட தயாரிப்புகளையும் காண பல சர்வதேச பத்திரிகையாளர்களை ஐதராபாத்துக்கு அழைத்தார்கள்.

இந்நிலையில் விளம்பரங்களை அடுத்த கட்டத்திற்கு எடுத்துச் செல்லும் முயற்சியாக சர்வதேச திரைப்பட நிகழ்வுகளை பயன்படுத்த தொடங்கி உள்ளார் ராஜமவுலி. சமீபத்தில் மெக்சிகோவில் நடந்த ஒரு நிகழ்வில் வாரணாசி படத்தின் காட்சிகள் திரையிடப்பட்டது. அதையடுத்து தற்போது பிரான்ஸ்-க்கும் இப்படத்தை எடுத்து செல்கிறார்கள்.

ஜூன் மாதம் இறுதியில் வாரணாசி காட்சிகள் திரையிடும் நிகழ்ச்சி நடைபெற உள்ளது. இந்த வாரணாசி படம் கால பயணத்தையும் ராமாயணத்தையும் இணைக்கும் ஒரு உலக சுற்றுப் பயண சாகச படமாக எடுக்கப்பட்டு வருகிறது. இந்த படத்தில் மகேஷ்பாபு, பிரியங்கா சோப்ரா, பிரிதிவிராஜ் சுகுமாரன் உள்ளிட்ட பலர் நடிக்கிறார்கள். 2027 ஆம் ஆண்டு ஏப்ரலில் இப்படம் திரைக்கு வருகிறது .