தி பாரடைஸ் : அனிருத்தின் சிறப்பான இசை

ஸ்ரீகாந்த் ஒடேலா இயக்கத்தில் நானி நடித்துள்ள தி பாரடைஸ் படம் செப்டம்பர் 24ம் தேதி அன்று பல மொழிகளில் வெளியாக உள்ளது. இப்படத்தின் இசையமைப்பாளர் அனிருத் குறித்து ஸ்ரீகாந்த் ஒடேலா ஒரு சுவாரஸ்யமான கருத்தைப் பகிர்ந்துள்ளார். அதில், தி பாரடைஸ் படம் இதுவரை வெளிவந்த அனிருத்தின் இசைப் பணிகளிலேயே சிறந்த ஒன்றாக இருக்கும் என்று கூறியுள்ளார். தனது பின்னணி இசையால் படங்களை அடுத்த கட்டத்திற்கு எடுத்துச் செல்வதில் பெயர் பெற்றவர் அனிருத் என்பதால், அவரது இந்த கருத்து சினிமா ரசிகர்களின் கவனத்தை ஈர்த்துள்ளது.

ஜெயிலர் மற்றும் டிசி போன்ற படங்களில் அனிருத்தின் இசைப் பணிகள் பெரும் வரவேற்பைப் பெற்றுள்ள நிலையில், ஸ்ரீகாந்த் ஒடேலாவின் இந்த அறிக்கை மேலும் சுவாரஸ்யத்தைக் கூட்டியுள்ளது. இதுவரை, தி பாரடைஸ் படத்திலிருந்து ஆயா ஷெர் மற்றும் யேஷனகுலா ஆகிய இரண்டு மாஸான பாடல்களை வெளியாகி வரவேற்பை பெற்றுள்ளன. அடுத்த பாடல் குறித்த அதிகாரப்பூர்வ அறிவிப்பு இன்னும் வரவில்லை. என்றாலும், ரசிகர்கள் ஆவலுடன் காத்திருக்கின்றனர். இதற்கிடையில், வெளியீட்டுக்கு முன்னதாக எஞ்சிய பணிகளை முடிப்பதில் படக்குழு கவனம் செலுத்தி வரும் நிலையில், தி பாரடைஸ் படம் திரைக்கு வர இன்னும் ஒன்பது நாட்களே உள்ள நிலையில் தற்போது சென்னையில் இசைப்பதிவு பணிகள் இறுதிக்கட்டத்தில் உள்ளன.