வைலரான நடனம் : லிங்குசாமி விளக்கம்

தமிழ் சினிமாவில் தொடர்ச்சியாக ‛ஆனந்தம், சண்டக்கோழி, ரன்'' என வெற்றி படங்களை கொடுத்து வந்தவர் லிங்குசாமி. தயாரிப்பாளராகவும் வலம் வந்தார். கடந்த சில ஆண்டுகளாக இவரது படங்கள் போதிய வரவேற்பை பெற முடியவில்லை. சமீபகாலமாக பட நிகழ்வுகள் உள்ளிட்ட பல்வேறு நிகழ்ச்சிகளில் பங்கேற்று வருகிறார்.

இந்நிலையில் ‛வாரணம் ஆயிரம்' படத்தில் இடம்பெற்ற ‛‛அவ என்ன என்ன தேடி வந்த அஞ்சல...'' பாட்டிற்கு இவர் நடனமாடினார். இந்த நிகழ்ச்சியில் ராதிகா, சரத்குமார் உள்ளிட்ட பலர் பங்கேற்றனர். இந்த வீடியோ வைரலாக அவரை பாராட்டியும், விமர்சித்தும் பலர் கருத்து பதிவிட்டனர்.

இதுபற்றி லிங்குசாமியை தொடர்பு கொண்டு கேட்டபோது அவர் கூறியதாவது, ‛‛மலேசியாவில் கவுதம் மேனனின் இசை விருந்து நிகழ்ச்சி நடந்தது. இதற்கு என்னையும் அழைத்து இருந்தனர். அப்போது என்னை நடனமாடி சொல்லி கேட்டனர். அது சும்மா ஜாலியாக ஆடியது. நான் ஒன்றும் தேர்ந்தெடுத்த நடனக்கலைஞர் கிடையாது. இதுபற்றி நிறைய பாராட்டும், விமர்சனமும் வருகிறது, நான் பார்த்தேன்'' என்றார்.