'யுவரத்னா' - தியேட்டர்களில்தான் ரீலீஸ்
ADDED : 1736 days ago
கன்னடத் திரையுலகத்தின் முன்னணி நடிகர்களில் ஒருவரான புனித் ராஜ்குமார் நாயகனாக நடிக்கும் படம் 'யுவரத்னா'. இப்படத்தில் சாயிஷா கதாநாயகியாக நடிக்கிறார்.
'கேஜிஎப் சேப்டர் 2' படத்தைத் தயாரிக்கும் நிறுவனம் தான் இப்படத்தையும் தயாரிக்கிறது. சந்தோஷ் ஆனந்த்ராம் இப்படத்தை இயக்குகிறார். கடந்த வருடம் தசரா விடுமுறையில் இப்படத்தை வெளியிடுவதாக இருந்தார்கள். கொரோனா தொற்று காரணமாக தியேட்டர்கள் மூடப்பட்டதால் திட்டமிட்டபடி படம் வெளியாகவில்லை.
இதனிடையே, இப்படம் ஓடிடி தளத்தில் நேரடியாக வெளியாக உள்ளதாக செய்திகள் வெளியாகின. ஆனால், அவற்றை மறுக்கும் விதத்தில் இன்று தேசிய இளைஞர்கள் தினத்தை முன்னிட்டு படத்தின் வெளியீட்டுத் தேதியை அதிகாரப்பூர்வமாக அறிவித்துள்ளார்கள்.
ஏப்ரல் 1ம் தேதியன்று இப்படம் தமிழ், தியேட்டர்களில் வெளியாகும் என அதிகாரப்பூர்வமாக தெரிவித்துள்ளார்கள். இந்த அறிவிப்பு புனித் ராஜ்குமார் ரசிகர்களிடையே மகிழ்ச்சியை ஏற்படுத்தியுள்ளது.