தெலுங்கில் வெளியான நெடுநல்வாடை

கடந்த ஆண்டு வெளியாகி விமர்சகர்கள் மத்தியில் பெரும் வரவேற்பை பெற்ற படம் நெடுநல்வாடை. அறிமுக இயக்குநர் செல்வகண்ணன் இயக்கி இருந்தார். எல்விஸ் அலெக்சாண்டர், அஞ்சலி நாயர், மைம்கோபி, உள்பட பலர் நடித்திருந்தார்கள். ஜோஸ் பிராங்கிளின் இசை அமைத்திருந்தார், வினோத் ரத்னசாமி ஒளிப்பதிவு செய்திருந்தார்.

தற்போது சானிஷா கிரியேசன்ஸ் என்ற நிறுவனம் நெடுநல்வாடை படத்தின் தெலுங்கு உரிமையை வாங்கி, அதனை தியேட்டரிலும், ஓடிடி தளத்திலும் வெளியிட்டுள்ளது.

இது குறித்து இயக்குநர் செல்வகண்ணன் கூறியதாவது: ஒரு நல்ல படைப்புக்காக நாம் சிலவற்றை தியாகம் செய்யும் போது அந்தப்படைப்பு நிச்சயம் நமக்கான அங்கீகாரத்தைத் தந்தே தீரும். அந்த நம்பிக்கைக்குச் சான்றாக இப்படத்தின் தெலுங்கு வெர்சனைப் பார்த்துவிட்டு பாராட்டுபவர்களின் வார்த்தைகளில் தெரிகிறது. படத்தில் நடித்தவர்கள், தொழில்நுட்ப கலைஞர்கள், உதவி இயக்குநர்கள் அனைவருக்கும் நன்றியைத் தெரிவித்துக் கொள்கிறேன். என்றார்.