சாட்டை கூத்தாடிகளின் வாழ்க்கையை பேசும் முன்னா

புதுமுகங்கள் இணைந்து உருவாக்கும் படம் முன்னா. சங்கை குமரேசன் என்பவர் இயக்கி, நடித்துள்ளார். அவருடன் நியா கிருஷ்ணா, ரம்யா, ராஜு, சிந்து, ராஜாமணி, சண்முகம், வெங்கட் ஆகியோர் முக்கிய கதாப்பாத்திரங்களில் நடித்துள்ளனர். ஸ்ரீ தில்லை ஈசன் பிக்சர்ஸ் பட நிறுவனம் சார்பில் ராமு முத்துச் செல்வன் தயாரித்துள்ள இப்படத்திற்கு டி.ஏ.வசந்த், சுனில் நாசர் இசை அமைத்துள்ளனர், ரவி ஒளிப்பதிவு செய்துள்ளார்.

படம் பற்றி சங்கை குமரேசன் கூறியதாவது: சாட்டையடித்து நடத்தி பிழைப்பு நடத்தும் நாடோடிக் கூட்டத்தில் பிறந்த ஒருவனுக்கு நாகரீக வாழ்கையை அனுபவிக்க ஆசை பிறக்கிறது. அதிர்ஷ்டவசமாக அந்த வாழ்கை அவனுக்கு அமைந்துவிட, அந்த வாழ்கையில் அவன் மகிழ்ச்சியாக இருந்தானா? என்பதை பேசும் படம் என்றார்.

இப்படத்தின் இசை வெளியீட்டு விழா நேற்று நடந்தது. இயக்குநர் வி.சேகர், ஜாக்குவார் தங்கம் உள்ளிட்ட பலர் கலந்து கொண்டனர்.