புரட்சி மாணவனாக மாறும் சிவகார்த்திகேயன்

சிவகார்த்திகேயன் நடிப்பில் லைகா நிறுவனம் தயாரிப்பில் உருவாக இருக்கும் புதிய படம் டான். இந்தப்படத்தை சிபி சக்கரவர்த்தி என்பவர் இயக்கவுள்ளார். இவர் அட்லீயிடம் தெறி, மெர்சல் ஆகிய படங்களில் உதவி இயக்குனராக பணியாற்றியவர். இந்தப்படத்தில் இசையமைப்பதன் மூலம் அனிருத்தும் சிவகார்த்திகேயனும் ஏழாவது முறையாக கூட்டணி சேர்ந்துள்ளனர் என்பது குறிப்பிடத்தக்கது.

இந்தப்படத்தின் கதைக்களம் கல்லூரி பின்னணியில் உருவாக்கப்பட்டுள்ளதாம். டான் என வைக்கப்பட்டிருக்கும் தலைப்பிற்கேற்ப இந்தப்படத்தில் பொறியியல் கல்லூரி மாணவராக, மாணவர் தலைவனாக, ஒரு புரட்சியாளன் கதாபாத்திரத்தில் நடிக்க இருக்கிறாராம். அதேசமயம் அவரது வழக்கமான காமெடி விஷயங்கள் எதற்கும் படத்தில் குறைவு இருக்காது என்கின்றனர்.