பிளாஸ்மா தானம் செய்வதாக உறுதியளித்த காஞ்சனா 3 நடிகை

லாரன்சின் காஞ்சனா-3 படத்தில் மூன்று நாயகிகளில் ஒருவராக நடித்தவர் நிக்கி தம்போலி. தெலுங்கிலும் சில படங்களில் நடித்த இவர் பிக்பாஸ்-14 ஹிந்தி நிகழ்ச்சியிலும் பங்கேற்றார். இவர் கொரோனா தொற்றினால் பாதிக்கப்பட்டு தற்போது மீண்டு வந்துள்ளார். இதையடுத்து கொரோனாவினால் பாதிக்கப்பட்டவர்களுக்கு சிகிச்சை அளிக்க தேவைப்படும் பிளாஸ்மாவை தானம் செய்ய தான் தயாராக இருப்பதாக அறிவித்துள்ளார். மேலும், எனது ரத்தம் ஓ பாசிட்டிவ் வகையைச் சேர்ந்தது என்றும் தெரிவித்துள்ள நிக்கி தம்போலி, தனது ரசிகர்களை மட்டுமின்றி கொரோனாவில் இருந்து மீண்டு வந்துள்ள அனைவருமே பிளாஸ்மா தானம் செய்யுமாறும் கேட்டுக் கொண்டுள்ளார்.