த்ரிஷா திருமணம் குறித்து சார்மி வெளியிட்ட தகவல்

சினிமாவில் 15 ஆண்டுகளுக்கு மேலாக கதாநாயகியாக வலம் வந்து கொண்டிருக்கும் த்ரிஷா மே 4-ந்தேதியான நேற்று தனது 38ஆவது பிறந்த நாளை எளிமையான முறையில் கொண்டாடியிருக்கிறார். அவருக்கு அவரது சினிமா நண்பர்கள் பலரும் வாழ்த்து கூறினார்கள்.

இந்நிலையில் த்ரிஷாவுக்கு பிறந்த நாள் வாழ்த்து கூறியுள்ள நடிகை சார்மி, த்ரிஷாவின் திருமணம் குறித்தும் ஒரு செய்தி வெளியிட்டுள்ளார். அந்த செய்தியில், த்ரிஷா பேச்சுலராக கொண்டாடும் கடைசி பிறந்தநாள் இதுவாகத்தான் இருக்கும் என்று தெரிவித்துள்ளார்.

இதன்மூலம் த்ரிஷா விரைவில் திருமணம் செய்து கொள்ளப்போகிறார் என்பதை அவர் மறைமுகமாக இப்படி தெரிவித்துள்ளார். சார்மியின் இந்த கருத்துக்கு த்ரிஷா இதுவரை எந்த பதிலும் கொடுக்கவில்லை. த்ரிஷாவும், சார்மியும் நீண்டகால தோழிகள் என்பதோடு, பெளர்ணமி, கிங் போன்ற தெலுங்கு படங்களில் இணைந்து நடித்துள்ளார்கள்.