அறுவை சிகிச்சைக்கு உதவி : சிரஞ்சீவிக்கு பொன்னம்பலம் நன்றி

ரஜினி, கமல் தொடங்கி அநேக ஹீரோக்களின் படங்களில் நடித்தவர் வில்லன் நடிகர் பொன்னம்பலம். இந்தியன், நாட்டாமை, முத்து போன்ற படங்களில் இவரது நடிப்பு பேசப்பட்டது. பிக்பாஸ்-2 நிகழ்ச்சியிலும் கலந்து கொண்டார். இந்நிலையில் இவருக்கு சமீபத்தில் சிறுநீரக மாற்று அறுவை சிகிச்சை நடைபெற்றுள்ளது. இந்த சிகிச்சைக்கு பிரபல தெலுங்கு நடிகர் சிரஞ்சீவி ரூ. 2 லட்சம் அளித்து பொன்னம்பலத்திற்கு உதவி செய்திருக்கிறார். இதையடுத்து அவருக்கு நன்றி தெரிவித்து ஒரு உருக்கமான வீடியோ வெளியிட்டுள்ளார் பொன்னம்பலம்.

அந்த வீடியோவில், ரொம்ப நன்றி அண்ணா. சிறுநீரக மாற்று அறுவை சிகிச்சைக்காக நீங்கள் கொடுத்த ரூ. 2 லட்சம் பணம் மிகப்பெரிய உதவியாக இருந்தது. உயிருள்ள வரை உங்களை மறக்க மாட்டேன். உங்களுக்கு மனமார்ந்த நன்றி. ஆண்டவன் உங்களை எப்போதுமே ஆஞ்சநேயர் சிரஞ்சீவியாக வைத்திருப்பான். ஜெய் ஸ்ரீராம் நன்றி என தெரிவித்துள்ளார் பொன்னம்பலம்.