8 தோட்டாக்கள் தெலுங்கு ரீமேக்கில் கவுரி கிஷன்

விஜய் சேதுபதி - திரிஷா நடிப்பில் வெளியான படம் 96. இந்த படத்தில் சின்ன வயது திரிஷாவாக நடித்தவர் கவுரி கிஷன். அதன்பிறகு இதே படத்தின் தெலுங்கு ரீமேக்கிலும் சின்ன வயது சமந்தாவாக நடித்தார். பின்னர் மாஸ்டர், கர்ணன் படங்களில் நடித்தார். இந்நிலையில் தமிழில் வெற்றி - அபர்ணா பாலமுரளி நடிப்பில் வெளியாகி வெற்றி பெற்ற 8 தோட்டாக்கள் என்ற படத்தின் தெலுங்கு ரீமேக்கில் இவர் நாயகியாக அறிமுகமாகிறார். தெலுங்கு நடிகர் சந்தோஷ் ஷோபன் நாயகனாக நடிக்கும் இந்த படத்தை சிரஞ்சீவியின் மகள் சுஷ்மிதா தயாரிக்கிறார். தமிழில் இயக்கிய ஸ்ரீகணேசே தெலுங்கிலும் இயக்குகிறார்.