பிரகாஷ்ராஜுக்கு போட்டியாக களமிறங்கும் மஞ்சு விஷ்ணு

இந்தியாவிலேயே தமிழ் திரைப்பட தயாரிப்பாளர்கள் சங்க மற்றும் நடிகர் சங்க தேர்தல் தான் மிகவும் பிரசித்தி பெற்றது. ஒவ்வொருவரும் தங்களது கவுரவ பிரச்சனையாக நினைத்துக் கொண்டு தேர்தலில் போட்டியிடுவதை வாடிக்கையாக கொண்டுள்ளனர். அந்த அளவுக்கு இல்லாவிட்டாலும் கூட தெலுங்கு திரையுலக நடிகர் சங்க தேர்தலும் தற்போது களைகட்ட தொடங்கியுள்ளது.

விரைவில் நடைபெற உள்ள நடிகர் சங்க தேர்தலில் நடிகர் பிரகாஷ்ராஜ் சங்க தலைவர் பதவிக்கு போட்டியிட தயாராகி வருகிறார் என ஏற்கனவே ஒரு செய்தி ஓடிக்கொண்டு இருக்கிறது. இந்நிலையில் அவருக்கு போட்டியாக இளம் நடிகரும், நடிகர் மோகன்பாபுவின் மகனுமான மஞ்சு விஷ்ணு தலைவர் பதவிக்கு போட்டியிட உள்ளாராம். சிரஞ்சீவி குடும்பத்தினரின் ஆசியுடன் விரைவில் விஷ்ணு மஞ்சுவின் பெயர் இந்த போட்டியில் அறிவிக்கப்படலாம் என கூறப்படுகிறது.