வந்தாச்சு.... ‛வலிமை அப்டேட் வந்தாச்சு.... ரசிகர்கள் ஹேப்பி ‛போனி கபூர் அண்ணாச்சி

வினோத் இயக்கத்தில் அஜித் நடித்து வரும் படம் வலிமை. இப்படத்தின் அப்டேட்டை ரசிகர்கள் கேட்காத இடமே இல்லை. பிரமர் சென்னை வந்த போதும், இந்திய, இங்கிலாந்து கிரிக்கெட் போட்டி, யூரோ கால்பந்து போட்டி என பல இடங்களில் இந்த வலிமை அப்டேட் எதிரொலித்தது. ஆனாலும், படக்குழுவினர் அப்டேட் கொடுக்காமல் இழுத்து வந்தனர். கடைசியாக மே 1 அஜித் பிறந்தநாளில் வெளியாகும் என்றனர். கொரோனா பிரச்னையால் அதுவும் நடக்கவில்லை.

இந்நிலையில் இன்று(ஜூலை 11) திடீர் இன்ப அதிர்ச்சியாக மாலை 6.05 மணிக்கு வலிமை படத்தின் மோஷன் போஸ்டரை வெளியிட்டனர். யுவனின் மிரட்டலான பின்னணி இசையில் அஜித் வரும் காட்சிகளை ரசிகர்கள் கொண்டாடி மகிழ்ந்தனர். வலிமை அப்டேட் மாலை வருகிறது என தகவல் வெளியானது முதலே சமூகவலைதளங்களை ஆக்கிமிரத்த ரசிகர்கள் அப்டேட் வந்த பின்னர் மேலும் கொண்டாடினார். டுவிட்டரில் #ValimaiMotionPoster, #ThalaAjith, #Hvinoth, #BoneyKapoor உள்ளிட்ட ஹேஷ்டாக்குகள் தேசிய அளவில் டிரெண்ட் ஆகின.