கமலின் ‛விக்ரம்' துவங்கியாச்சு...!

மாஸ்டர் படத்தை அடுத்து நடிகர் கமல்ஹாசனை வைத்து லோகேஷ் கனகராஜ் இயக்கும் படம் ‛விக்ரம்'. இந்தியன் 2 படம் பிரச்னையில் இருப்பதால் இப்படத்தில் நடிக்கிறார் கமல். இவருடன் விஜய் சேதுபதி, மலையாள நடிகர் பஹத் பாசில் ஆகியோரும் முக்கிய வேடத்தில் நடிக்கின்றனர். கமலே தயாரிக்கிறார். அனிருத் இசையமைக்கிறார். இதன் படப்பிடிப்பு இன்று(ஜூலை 16) துவங்கியது. கமல், விஜய் சேதுபதி உள்ளிட்டோர் படப்பிடிப்பில் பங்கேற்றனர். விரைவில் பஹத் பாசில் நடிக்க உள்ளார். அரசியல் கலந்த அதிரடி ஆக்ஷன் நிறைந்த போலீஸ் கதையில் இப்படம் தயாராக இருப்பதாக கூறப்படுகிறது. கமல் போலீசில் நடிக்கிறார். அதிலும் ஒரு கட்டத்தில் பார்வையிழந்த வேடத்தில் நடிக்க இருப்பதாக கூறப்படுகிறது.